«Digital Qazaqstan» 2029 жылға дейінгі стратегиясын іске асыру шеңберінде Қазақстан Республикасы Қаржы министрлігі Мемлекеттік кірістер комитеті (МКК) жасанды интеллект пен үлкен деректерді талдау технологияларына негізделген әкімшілендірудің платформалық моделін енгізуде.
Салықтық бақылаудың дәстүрлі тәсілдерімен қатар, автоматтандырылған камералдық бақылау бизнес үшін алдын алу және қолдау құралына айналып, «ақылды көмекші» қызметін атқаруда. МКК салық төлеушілерге бұзушылықтар ресми түрде анықталғанға дейін анықталған сәйкессіздіктерді өз бетінше түзетуге мүмкіндік беретін профилактикалық push-хабарламалар тетігін іске қосты. Атап айтқанда, хабарламалар 2025 жылғы корпоративтік табыс салығы және 2026 жылдың бірінші тоқсанындағы қосылған құн салығы бойынша мәліметтердегі алшақтықтарды жоюға бағытталған.
Цифрлық трансформацияның келесі кезеңі — компаниялардың «цифрлық егіздерін» енгізу. Бұл технология нақты уақыт режимінде қаржылық ағындарды модельдеуге, операциялық процестерді талдауға және тәуекелдерді алдын ала анықтауға мүмкіндік береді.
Ақпараттық технологияларға негізделген бұл тәсілдің тиімділігі тәжірибе жүзінде де көрініс табуда. Мәселен, 2026 жылғы 18 маусымдағы жағдай бойынша Жетісу облысы бойынша Мемлекеттік кірістер департаменті бюджетке 1 264,3 млн теңге көлемінде қосымша резерв түсімдерін қамтамасыз етті.
Жаңа цифрлық шешімдер салықтық әкімшілендірудің ашықтығын арттырып, бизнес үшін қолайлы әрі болжамды орта қалыптастыруға бағытталған.
