2024 жылдың қыркүйек айынан бастап Ұлттық егу күнтізбесіне сәйкес АПВ қарсы екпе 11 жасқа толған қыздарға жасалады.
Сонымен қатар қосымша иммундаумен 12-13 жастағы қыздар да АПВ қарсы екпемен қамтылуда. Вакцинация 2 кезеңде ата-аналардың келісімімен мектептерде және емханаларда жүргізіледі, 2-ші доза 6 айдан кейін салынады.
Бүгінгі күні АПВ ға қарсы екпемен 11 жастағы 7000 қыз, 12-13 жастағы 3500 қыз 1-дозамен, 11 жастағы 4200 қыз, 12-13 жастағы 2400 қыз 2-дозамен қамтылды.
Бүгінде ҚР Бас мемлекеттік санитариялық дәрігерінің 2026 жылғы 13 мамырдағы №7 қаулысына сәйкес 14-17 жастағы қыздар да АПВ-ға қарсы екпені тегін алып, жатыр мойны обырынан қорғана алады. Вакцинация 3 кезеңде жүргізіледі, 2-доза – 2 ай, 3-доза — 6 айдан кейін салынады.
«Қазақстанда 14 пен 17 жас аралығындағы қыздарды АПВ-ға қарсы қосымша вакцинациялау жатыр мойны обырының алдын алуды күшейту үшін жүргізіледі, шара иммунизациямен қамтуды кеңейтуге және вирус тудыратын онкологиялық аурулармен сырқаттанушылық деңгейін төмендетуге бағытталған. Бүгінде қосымша иммундауға жататын 14-17 жастағы 13 мың қыз анықталды», — Жетісу облысы СЭБД басшысының орынбасары Индира Кунбасова.
Вакцина дәрігердің қарауынан кейін ғана енгізіледі. Дәрігер АПВ-ға қарсы профилактикалық екпеге медициналық қарсы көрсетілімнің бар-жоғын анықтайды. Қарсы көрсетілімдер өте сирек кездеседі.
Вакцинация 11-13 жас аралығындағы қыздарға жоспарлы және толықтыра вакцинация жүргізу үшін АПВ-ға қарсы вакциналардың қалдықтарын ескере отырып, вакциналардың қолда бар көлеміне байланысты жүргізіледі. Вакцина облыста жеткілікті мөлшерде бар.
ЖМО-нан қыздарыңызды қорғау үшін АПВ-на қарсы вакцина салдырыңыздар!
