Қазақстанда кірістер мен мүлікті декларациялау науқаны жалғасуда. Салық төлеушілер үшін негізгі мерзімдердің бірі – 2026 жылдың 15 қыркүйегі.
Атап айтқанда, 2025 жылы жұмыс беруші арқылы өзге де салықтық шегерімдерді қолданған азаматтар 270.00 нысанын ұсынуы тиіс. Шығындар тиісті құжаттармен расталуы қажет. Бір жылдағы өзге де шегерімдердің ең жоғары мөлшері 282 АЕК-ті құрайды.
Жеке тұлғалар үшін есептіліктің екі нысаны көзделген: 250.00 нысаны – активтер мен міндеттемелер туралы декларация, ал 270.00 нысаны – кірістер мен мүлік туралы декларация.
Биыл 250.00 нысанын азаматтардың жекелеген санаттары, жеке практикамен айналысатын тұлғалар, сондай-ақ заңнамада белгіленген шарттарға сәйкес шетелде белгілі бір активтері – жылжымайтын мүлкі, көлік құралдары, бағалы қағаздары, инвестициялық алтыны, шетелдік компаниялардағы үлесі, тұрғын үй құрылысына үлестік қатысуы бар ҚР азаматтары мен резиденттері.
270.00 нысанын салықтық шегерімдерді қолданған тұлғалардан басқа, сыбайлас жемқорлыққа қарсы заңнамаға сәйкес кірістерін декларациялауға міндетті азаматтар, қаржы ұйымдарының жекелеген қатысушылары, заңды тұлғалардың басшылары мен құрылтайшылары, жеке практикамен айналысатын тұлғалар, сондай-ақ өз бетінше салық салынуға жататын кіріс алған азаматтар тапсырады.
Декларациялау міндеті қолданылатын азаматтар үшін белгіленген мерзімді өткізіп алмау және қажетті құжаттарды алдын ала дайындау маңызды.
