2026 жылғы 15 қыркүйекте Венада АЭХА Бас конференциясының 70-ші сессиясы шеңберінде Қазақстан Республикасы делегациясының басшысы, Қазақстан Республикасы Атом энергиясы жөніндегі агенттігі төрағасының орынбасары Ғұмар Серғазин ұлттық мәлімдеме жасады.
Өз сөзінде Гұмар Серғазин Қазақстанның атом саласындағы негізгі басымдықтарын, оның ішінде атом энергетикасы мен өнеркәсібін, ядролық ғылым мен медицинаны дамыту, сондай-ақ халықаралық ынтымақтастықты нығайту мәселелерін атап өтті.
Мәлімдемеде Семей сынақ полигонының жабылғанына 35 жыл толуына ерекше назар аударылды. Қазақстан ядролық қарусыздану және ядролық қаруды таратпау жөніндегі міндеттемелеріне бейілділігін растады және Ядролық сынақтарға жаппай тыйым салу туралы шарттың (ЯСЖТШ) мүмкіндігінше тезірек күшіне енуіне шақырды.
Гұмар Серғазин Қазақстанның атом саласы дамуының жаңа кезеңіне тоқталды. 2026 жылы Мемлекет басшысы 2050 жылға дейінгі атом саласын дамыту стратегиясын бекітті. Стратегия энергетика, өнеркәсіп, ғылым, білім беру және жоғары технологиялық өндірісті біріктіретін ұлттық ядролық кластер қалыптастыруды көздейді.
Сондай-ақ Қазақстанның жаһандық атом саласындағы және ядролық отынның халықаралық жеткізу тізбектеріндегі рөлі, сондай-ақ ел аумағында орналасқан АЭХА-ның Төмен байытылған уран банкі қызметінің маңызы атап өтілді.
АЭХА-мен ынтымақтастыққа да ерекше мән берілді. 2026 жылы қол қойылған 2036 жылға дейінгі ынтымақтастықты кеңейту жөніндегі Жол картасы атом энергетикасы, ядролық медицина, ғылым, қауіпсіздік және кадрлар даярлау бағыттарын қамтиды.
Қазақстан АЭХА-мен стратегиялық әріптестікті жалғастыруға және энергетика, ғылым, медицина мен орнықты даму мүддесі үшін атом энергиясын бейбіт мақсатта пайдалануды одан әрі дамытуға дайын екенін растады.
«Бейбітшілікке, ғылымға және адамзат игілігіне қызмет ететін атом қорқыныштың емес, энергияның, прогресс пен үміттің көзіне айнала алады», – деп атап өтті Гұмар Серғазин.
«Әлемге, ғылымға және адамзатқа қызмет ететін Атом қорқыныш көзі емес, энергия, прогресс және үміт көзі бола алады», — деп атап өтті Ғұмар Серғазин.
