Жетісу облысы бойынша 6 сәуір мен 15 қазан аралығында «Таза Қазақстан» бағдарламасы аясында экологиялық акцияларға жалпы 205 мыңнан астам адам атсалысты.
Облыс бойынша «Киелі мекен», «Қызыл тас – тасбақа», «Таза кәсіп — Таза аймақ», «Жинаquest» экологиялық акциялары мен «Таза аула, таза көше» байқаулары ұйымдастырылды.
Эко-шараларға облыс тұрғындары, кәсіпорындар мен мекеме қызметкерлері, волонтерлер, жастар, шағын және орта бизнес, медицина, білім, мәдениет және спорт саласының өкілдері қатысты. 1 729 техника жұмылдырылды. Нәтижесінде 8 208 тонна қоқыс шығарылды, 2 265 км арық желісі тазаланып, облыс аумағында 31 811 түп көшет отырғызылды.
