Ұлы Жеңістің 80 жылдығына орай облыс әкімінің қолдауымен, Жетісу облысының Мәдениет, архивтер және құжаттама басқармасының ұйымдастыруымен «Жетісулықтардың жеңіс тарихы» атты жинақ дайындалуда. Кітаптың 1000 данадан аса нұсқасын шығару жоспарлануда. Бұл туралы Өңірлік коммуникациялар қызметінтің ақпараттық алаңында мәлім болды.
2024 жылдың қараша айынан бастап жинаққа қатысты құжаттар зерттеліп, жинақтау жұмыстары басталды. Басқарма басшысының бұйрығымен архив қызметкерлері қаңтар айында Алматы қаласындағы Республикалық мемлекеттік архиві, Ғылыми-техникалық құжаттар архиві, Кино-фото және дыбыс құжаттары архиві және Алматы облысының мемлекеттік архивтерінде зерттеу жұмыстарын жүргізіп, 323 құжаттар мен фотоқұжаттар алып келініп, жинақтың сұлбасы әзірленіп жатыр.
Атап өтейік, бүгінде елді мекендердегі майдангерлердің ұрпақтарынан 58 азамат облыстық архивке келіп құжаттарын тапсырды. Бұл құжаттар бойынша зерделеніп, жинаққа енгізу жұмыстары жүргізілуде.
Сонымен қатар, Ресей Федерациясының «Мемориал» сайтының «Книга памяти» платформасынан соғысқа қатысқан Жетісулықтардың тізімі, Жетісу облысының Қорғаныс істері жөніндегі департаментінің қорындағы соғысқа қатысқандар тізімі және облыстық архивте мемлекеттік сақтаудағы соғыста іс-түссіз жоғалған, қаза тапқан боздақтар тізімі енгізілуде.
Жетісулықтардың жеңіс тарихы» атты жинағы 6 бөлімнен тұрады:
• Кеңес Одағының батырлары және «Даңқ» орденінің толық иегерлері – Жетісулықтар,
• Жетісулық Ұлы Отан соғыс ардагерлері туралы деректер, Жетісулықтардың тынымсыз еңбегі,
• Ұлы Отан соғысындағы өлкенің танымал тұлғалары: Ерен ерліктері, өшпес естеліктері,
• Ұлы Отан соғысындағы өлкенің танымал тұлғалары: ерен ерліктері, өшпес естеліктері,
• Архив құжаттарындағы майдангерлер тізімі.
Жетісу облысы Мемлекеттік архивінің бас директоры жерлес майдангерлер туралы дәлелденген мәліметтер болса Жетісу облысының мемлекеттік архивіне хабарласуды сұрайды. Мекен жайы: талдықорған қаласы, Самал шағын ауданы 10.
Сурет: Ашық дереккөзден
