Жетісу облысы бойынша Ішкі мемлекеттік аудит департаменті өткен жылғы қызметінің қорытындысын жариялап, 2026 жылға арналған басым міндеттерін атап өтті. Онда аудитпен қамтылған қаражат көлемі 34,8 млрд теңгеге жетті. Жыл қорытындысы бойынша жүргізілген 65 аудиторлық іс-шараның нәтижесінде жалпы сомасы 16,7 млрд теңгеден астам бұзушылық анықталды. Анықталған олқылықтардың ішінде рәсімдік сипаттағы бұзушылықтар 12,3 млрд теңге болса, тікелей қаржылық бұзушылықтар 4,4 млрд теңгеге жетті.
Қаржылық тәртіпті қалпына келтіру бағытында 3 млрд теңгеден астам қаражат қайта өндіріліп, қалпына келтірілді. Департамент тарапынан аудит нысандарына 63 нұсқама жолданып, нәтижесінде 52 лауазымды тұлғалар тәртіптік жауапкершілікке тартылды.
2026 жылға арналған басым міндеттер ретінде Департамент мемлекеттік аудитті толықтай электрондық форматқа көшіруді, сыбайлас жемқорлыққа қарсы іс-қимылды күшейтуді және салынған әкімшілік айыппұлдардың бюджетке 100% өндірілуін, анықталған қаржылық бұзушылықтар сомасын өндіру толықтай өтеуді, сондай-ақ, аудит нысандарына жолданған нысандарды қамтамасыз етуді айқындап отыр.
Сондай-ақ, алдағы кезеңде аудит материалдарының сапасын арттыру мен халық арасында ақпараттық-түсіндіру жұмыстарын жандандыру арқылы облыстың қаржылық тәртібін одан әрі нығайту жоспарланған.
