Қазіргі кезеңде білім беру жүйесінің негізгі мақсаты-заман талабына сай, бәсекеге қабілетті, жан жақты дамыған тұлға қалыптастыру. Білім сапасы елдің әлеуметтік экономикалық дамуына тікелей әсер ететін маңызды факторлардың бірі саналады. Осы тұрғыдан алғанда, әл-Фараби атындағы Қазақ ұлттық университетінде сапалы білім беру үдерісі жүйелі түрде жүзеге асырылып, білім алушылардың кәсіби және тұлғалық дамуына кең мүмкіндік жасалған.
Білім ордасында оқу үдерісі заманауи талаптарға сәйкес ұйымдастырылған. ҚазҰУ базасында білім беру бағдарламалары үнемі жаңартылып, еңбек нарығының сұранысына бейімделіп отырады. Пәндік мазмұн теориялық біліммен қатар тәжірибелік дағдыларды қалыптастыруға бағытталған. Аталған әрекет білім алушылардың алған білімін нақты өмірде тиімді қолдануына мүмкіндік береді. Сапалы білім берудің маңызды шарттарының бірі оқытушылар құрамының кәсіби деңгейі. Университетте тәжірибелі ғалымдар мен білікті мамандар білім алушыларға дәріс оқып, өз тәжірибелерімен бөліседі. Сабақ барысында заманауи әдістер қолданылып, студенттердің сыни ойлау, талдау және шешім қабылдау қабілеттері дамытылады. Оқу процесінде цифрлық технологиялар кеңінен енгізілген. Электронды білім беру платформалары, онлайн ресурстар және интерактивті құралдар білім алушылардың оқу материалдарын тиімді меңгеруіне жағдай жасайды. Университетте білім алушылардың тәжірибелік даярлығына ерекше назар аударылады. Студенттер оқу барысында өндірістік тәжірибеден өтіп, нақты кәсіби ортада жұмыс істеу дағдыларын меңгереді. Мұндай тәжірибе олардың еңбек нарығына бейімделуін жеңілдетіп, кәсіби қалыптасуына негіз болады. Ғылыми зерттеулер де сапалы білім берудің ажырамас бөлігі ретінде қарастырылады. Университетте білім алушылар ғылыми жобаларға қатысып, өз зерттеулерін жүргізуге мүмкіндік алады. Сонымен қатар, халықаралық ынтымақтастыққа да ерекше мән беріледі. Білім алушылар академиялық ұтқырлық бағдарламалары арқылы шетелдік оқу орындарында білім алып, халықаралық тәжірибе жинақтай алады.
Әлеуметтік қолдау жүйесі де білім сапасын қамтамасыз етудің маңызды элементі болып саналады. Университетте студенттерге жатақхана, түрлі жеңілдіктер және қолдау бағдарламалары ұсынылып, олардың толыққанды білім алуына жағдай жасалған. Жастардың тұлғалық дамуына да ерекше көңіл бөлінеді. Университет қабырғасында білім алушылар жауапкершілік, адалдық және кәсіби этика қағидаттарын бойына сіңіреді. Оқу ордамызда сапалы білім беру жүйесі кешенді түрде қалыптасқан. Қара шаңырақ тәжірибе жүзінде көрсеткендей, заманауи білім беру технологиялары мен тәжірибелік бағыттағы оқытудың үйлесімі жоғары нәтижеге қол жеткізуге мүмкіндік береді. Осындай жүйелі жұмыс нәтижесінде білім алушылар бәсекеге қабілетті, кәсіби тұрғыда қалыптасқан маман ретінде дамып, ел болашағына өз үлесін қосуға дайын болады.
Турсынкулова Динара Ахановна,
Әл-Фараби атындағы ҚазҰУ
Заң факультетінің Мемлекет және
құқық теориясы мен тарихы,
конституциялық және әкімшілік құқық
кафедрасының ассистент профессоры, з
аң ғылымдарының кандидаты
Бақытқызы Әзиза,
Заң факультетінің 1 курс магистранты
