Жетісу облысында вакцинамен басқарылатын инфекциялар бойынша эпидемиологиялық жағдай жалпы алғанда тұрақты болып отыр: есепті кезеңде дифтерия, сіреспе, эпидемиялық паротит, қызамық және көкжөтел жағдайлары тіркелген жоқ. Сонымен қатар соңғы жылдары қызылша мен көкжөтелдің өсуі байқалады.
Сыртқаттанушылықтың негізгі себептері — вакцинациямен қамтудың төмендеуі, жеке сенімдерге байланысты екпеден бас тарту, уақытша медициналық қарсы көрсетілімдер, сондай-ақ халықтың көші-қоны. Вакцинация туралы жалған ақпараттың таралуы да елеулі әсер етуде.
2026 жылы зертханалық түрде қызылшаның 106 жағдайы расталды. Жоғары сырқаттанушылық деңгейі Ақсу, Сарқан, Кербұлақ аудандарында, сондай-ақ Текелі және Талдықорған қалаларында тіркелген. Ауруға шалдыққандардың шамамен 70%-ы 5 жасқа дейінгі балалар, олардың 90%-ы екпе алмаған.
Эпидемиологиялық жағдайды тұрақтандыру мақсатында эпидемияға қарсы іс-шаралар кешені жүзеге асырылуда. Сыртқаттанушылыққа күнделікті мониторинг енгізілген, әрбір жағдай бойынша эпидемиологиялық тексеру жүргізіледі, байланыста болған адамдар медициналық бақылауға алынады.
Жыл басынан бері инфекцияның 131 ошағында 13 мыңнан астам адам медициналық бақылауға алынған. Жоспарлы және қосымша вакцинация жүргізілуде: иммундаумен қамту жыл сайын 40 мыңнан астам баланы құрайды.
Вакцинациядан бас тарту ауыр салдарға, соның ішінде мүгедектік пен өлім жағдайларына әкелуі мүмкін. Осыған байланысты медициналық қызметтер халықты профилактикалық егулердің Ұлттық күнтізбесін сақтауға және вакцинациядан уақтылы өтуге шақырады.
Қосымша ақпаратты egu.kz сайтынан немесе 7701 телефоны арқылы алуға болады.
