18-21 ақпан аралығында Жетісу облысының аумағында «Қауіпсіз жол» жедел-профилактикалық іс-шарасы өткізілді. Іс-шараның негізгі мақсаты – жол-көлік оқиғаларының алдын алу және жүргізушілер арасында көлік тәртібін арттыру, жол-көлік оқиғаларын және апаттарды азайтуға бағытталған рейдтер ұйымдастыру.
Қазақстан Республикасының мiндеттi сақтандыру туралы заңнамасын бұзғаны үшін 64 жүргізушіге әкімшілік хаттама толтырылды.
Тәртіп сақшылары көлік құралын мас халде басқару бойынша 10 жайтты анықтады.
Көлiк құралын басқару кезiнде жүргiзушiнiң телефонды не радиостанцияны пайдаланғаны үшін 182, маневр жасау қағидаларын бұзғаны үшін 114 әкімшілік хаттама толтырылды. Жаяу жүргiншiлердің немесе жол жүрiсiнiң өзге де қатысушыларының жүруiне басымдық бермегені үшін 44 дерек анықталды.
Атап өтейік, Ішкі істер министрлігі құқық бұзушылықтарға, оның ішінде жол қозғалысы саласындағы заң бұзушылықтарға мүлдем төзбеушілікті қалыптастыра отырып, қоғамда «Заң және Тәртіп» қағидатын нығайту жөніндегі жұмысты жалғастыруда.
