ҚР ҰҚК Шекара қызметі Жетісу облысы бойынша департаменті тыл басқармасының іс-жүргізушісі Татьяна Шаповалова – саналы ғұмырын әскери қызметке арнаған, кәсіби жолы жас буынға үлгі боларлық жан.
1994 жылы әскери қызметке шақырылып, алғашында байланыс торабында телефоншы қызметінен бастаған. 1997 жылдан бастап Шекара қызметінің түрлі бөлімдерінде абыройлы еңбек етті. Авиациялық эскадрильядан бастап, тыл қызметінің маңызды буындары – киім-кешекпен қамтамасыз ету, монша-кір жуу қызметінің бастығы, ақпараттық қауіпсіздік салаларында да мінсіз қызметімен ерекшеленді.
Зейнетке шыққаннан кейін де әскери ортадан қол үзбей, департаменттің тыл басқармасында іс-жүргізуші ретінде еңбек етуде. Өз ісіне деген жауапкершілігі мен ұжымдағы сый-құрметі – оның кәсіби биігін көрсетеді.
Татьяна Михайловнаның еңбек жолы – адалдықтың, табандылықтың және шынайы патриотизмнің жарқын үлгісі.
ҚР ҰҚК Шекара қызметі Жетісу облысы бойынша депаратаменті
