Қоғамның тұрақтылығы мен елдің өркендеуі ең алдымен азаматтардың заңға деген құрметі мен құқықтық мәдениетіне байланысты. Заңды білмеген жерде әділдік те, тәртіп те болмайды. Сондықтан халықтың құқықтық сауатын көтеру – қауіпсіз қоғам қалыптастырудың басты алғышарты.
Құқықтық білім – әрбір азаматтың өмір сүру дағдысына айналуы тиіс. Себебі заңды білмеген адам өз құқығын қорғай алмайды, міндетін де дұрыс атқармайды. Ал құқықтық сауаты жоғары азамат қылмысқа да, құқықбұзушылыққа да жол бермейді, өзі де, өзгесі де заңнан аттамайтынын жақсы түсінеді.
Мемлекет басшысы Қасым-Жомарт Тоқаев құқықтық тәртіпті нығайту бағытында халықпен түсіндіру жұмыстарын кеңейту қажеттігін үнемі атап келеді. Бұл – тек құқық қорғау органдарының емес, бүкіл қоғамның ортақ міндеті. Бүгінде мектептерде құқық негіздері пәнін жетілдіру, ақпараттық-түсіндіру науқандарын кеңейту, ауыл-аймақтарда құқықтық кеңес беру шараларын жиі өткізу – уақыт талабы.
Әсіресе жастарға құқықтық білім беру ерекше маңызды. Өйткені заңды білетін, құқықтық мәдениеті жоғары жас ұрпақ ертеңгі қоғамның тірегі болмақ. Құқықтық сауаттылық адамның жеке қауіпсіздігін ғана емес, елдің тыныштығы мен дамуын да қамтамасыз етеді.
Қорытындылай айтқанда, құқықтық сауаты жоғары халық – әділетті, қауіпсіз әрі өркениетті қоғамның кепілі. Әрбіріміз заңға құрметпен қарап, өз құқығымызды қорғап қана қоймай, өзгенің де құқықтарын сыйлауды үйренгенде ғана болашағымыз берік болады.
