26-29 ақпан аралығында өткен MWC2024 басты мақсаты мобильді технологиядағы соңғы жетістіктерді көрсету, идеялармен алмасу, серіктестік құру және саланың болашағын талқылау болды.
Іс-шара мобильді құрылғылар, коммуникациялар, жасанды интеллект, ойын-сауық, киберқауіпсіздік және басқа да байланысты салаларға қатысты жаңа өнімдерді, технологияларды және шешімдерді көрсетті.
Сонымен қатар, MWC мобильді технологиядағы ағымдағы трендтерді, қиындықтар мен мүмкіндіктерді талқылайтын негізгі пікірталастар, конференциялар, семинарлар мен презентациялар алаңы ретінде қызмет етеді.
Бұл шара тек ірі компанияларға ғана емес, сонымен қатар жаңа идеяларды, серіктестіктерді немесе инвестицияны іздейтін стартаптар, инвесторлар мен кәсіпкерлерге арналған.
Барселонадағы MWC бүкіл мобильді индустрия үшін оның алдағы жылдардағы даму бағытын анықтайтын басты оқиға болып табылады.
MWC 2024 көрмесінде Honor жасанды интеллект (ЖИ) қолдануға бағытталған жаңа стратегияны ұсынды. Бұл ретте жаңа құрылғылардың жаһандық нарыққа шығарылатыны жарияланды.
HONOR компаниясының бас директоры Джордж Чжао:
«Жасанды интеллект дәуіріне қадам басып отырған қазіргі уақытта HONOR тұтынушыларымыздың тілектері мен қалауын қанағаттандыру мақсатында үздіксіз тәжірибе ұсынуға және инновацияларды жеткізуге ұмтыламыз»
MWC 2024 көрмесінде компания көзді бақылау және құрылғыдағы ЖИ жасау мүмкіндіктері сияқты Snapdragon 8 Gen 3 SoC арқылы жұмыс істейтін Honor Magic 6 Pro сияқты бірнеше жаңа өнімдерді жариялады. Сондай-ақ компания Porsche Design-пен бірлесіп әзірленген арнайы жиналмалы нұсқасы Honor Magic V2 RSR-ді таныстырды.
HONOR Magic6 Pro жасанды интеллект сиқыры бар HONOR Magic сериясының соңғы өкілі. HONOR Magic6 Pro жасанды интеллектке негізделген фотосурет, дисплей, өнімділік және пайдаланушы тәжірибесін жақсартумен таң қалдырады. HONOR MagicOS 8.0. нұсқасын ұсынды. Honor ЖИ платформасын және саладағы алғашқы ниетке негізделген пайдаланушы интерфейсін ұсынатын Android негізіндегі операциялық жүйенің соңғы нұсқасы өзіне назар аудартпай қоймайды. HONOR пайдаланушы тәжірибесін өзгертеді және адамдардың смарт құрылғыларымен өзара байланысының жаңа әрі мультимодальды жолдарын ұсынады.
Magic Capsule және Magic Portal-мен жабдықталған HONOR Magic6 Pro пайдаланушыға жеке, интуитивті интерфейсті ұсынады. Тұтынушылардың маңызды ресурстарға жедел қол жеткізуіне мүмкіндік береді және бірнеше қолданбаларды қолдануға қажет етпестен максималды өнімділік пен тиімділікке қол жеткізеді. Сонымен қатар, Magic Portal пайдаланушылардың хабарламалары мен мінез-құлқын түсіну және бір қадамда күрделі тапсырмаларды оңтайландыру үшін жасанды интеллект мүмкіндіктерін пайдаланады. Magic portal жасанды интеллект мәтіндік хабарламадағы мекенжайды бірден таниды және түймені басу арқылы оңай шарлау үшін пайдаланушыларды Google карталарына бағыттайды. Бұл TikTok немесе Facebook сияқты әлеуметтік желілерде ақпаратқа қол жеткізуді және бөлісуді жеңілдетеді, бұл пайдаланушыларға брондау мәліметтерін немесе онлайн іздеу нәтижелерін бір қолмен бөлісуге мүмкіндік береді. Сонымен қатар, Magic Portal пайдаланушыларды қажетті заттарды тауып, сатып ала алатын платформаларға біркелкі бағыттау арқылы кескінге негізделген сатып алу процесін жеңілдетеді.
Қазақстанда жаңа өнім сәуәр айында таныстырылады дейді Honor Kazakhstan өкілдері. Әзірге нарықтағы бағасы мен ұсынылатын түстердің қандай болатыны белгісіз.
Сондай-ақ, Honor MagicBook Pro 16 да назардан тыс қалмады. Көрмеге келген технология саласындағы сарапшылар жасанды интеллект дәуірі үшін жасалған қуатты ноутбук деген игі пікірмен бөлісті. Ноутбук экожүйелік құрылғыларды үздіксіз пайдалану үшін ЖИ технологияларымен жабдықталған. Ішінде Intel Core Ultra 7, RTX 40 сериялы графикалық картасы, 32 ГБ жедел жады және 1 ТБ ішкі жады бар.
Биылғы MWC қызықты өнімдер жинағын әкелді. Ең озық смартфондардан бірегей және салыстырмалы түрде жаңа концепцияларға дейін таныстырылды. Бұл өнімдердің алдағы жылы қолжетімді болатынына және шынайы өнімге айналатынына кәміл сенуге болады.
Дерек көзі: Nazarmedia.kz
Автор: Ғазиза Ұзақ
