Қоғамдық тамақтану объектілерінде тамақтан уланудың алдын алу

Қоғамдық тамақтану объектілері бұл мейрамханалар, кафелер, асханалар, фуд-кордтар және басқа да тамақтану орындары.

Тамақтан улану – микробтармен және оның токсиндерімен ластанған тағамды жеу нәтижесінде пайда болатын жедел ауру.

Тамақтан улануды болдырмау үшін санитариялық ережелердің талаптарын сақтай отырып, объектіде тамақтану жағдайларын жасау қажет.

Қоғамдық тамақтану объектілерінде тамақтан уланудың алдын алуға бағытталған негізгі іс-шаралар:

халықтың санитариялық-эпидемиологиялық саламаттылығы саласындағы рұқсат беру құжатының болуы (эпидемиялық маңызы жоғары объектінің сәйкестігі туралы санитариялық-эпидемиологиялық қорытынды, эпидемиялық маңызы болмашы объектінің қызметінің басталғаны туралы хабарлама);
жәндіктер мен кеміргіштерге қарсы дератизациялық және дезинсекциялық іс-шаралар жүргізу;
тамақ дайындау кезінде технологиялық процестерді сақтау;
азық-түлік тасымалдау ережелерін сақтау;
температуралық режимдерді және өнімдерді сақтау шарттарын, оның ішінде жарамдылық мерзімдерін сақтау;
өнімге, тауарға ілеспе құжаттардың болуы;
өнімнің сапасы мен қауіпсіздігін растайтын құжаттардың (мемлекеттік тіркеу туралы куәлік, Одақтың сәйкестігі туралы декларациясы) болуы;
үй-жайларды, жабдықтарды таза ұстау және дезинфекциялау құралдарын пайдалана отырып ыдыс жуу ережелерін сақтау;
дайын өніммен жұмыс істегенде бір рет қолданылатын қолғаптарды пайдалану;
шикі және дайын өнімдер үшін жеке кесу құралдарын пайдалану;
қызметкерлер арасында жеке гигиена ережелерін сақтау және арнайы киім кию. Жұмысты бастамас бұрын персоналдың қолын іріңді ауруларға тексеру қажет;
медициналық тексеруден және гигиеналық оқытудан уақтылы өту, жұмысқа рұқсаты бар медициналық кітапшалардың болуы. Қызметкерлермен гигиеналық нормативтердің талаптарын сақтау бойынша тұрақты нұсқама жүргізу;
зертханалық зерттеу әдістерін қолдана отырып, өндірістік бақылау бағдарламасын әзірлеу және жүргізу.