Сайлау күні 19 наурызда Нұрлан Әбдіров Өзбекстан Орталық сайлау комиссиясының Төрағасы Зийниддин Низамходжаевпен кездесу өткізді.
Кездесу барысында Ортсайлауком Төрағасы Нұрлан Әбдіров әріптесін ағымдағы сайлау науқанының ерекшеліктерімен таныстырды, атап айтқанда, Парламент Мәжілісінің депутаттығына кандидаттарды ұсыну және тіркеу қорытындылары, сайлау алдындағы үгіт барысы, сайлаушылар мен сайлау учаскелерінің саны және халықаралық байқаушыларды аккредиттеу қорытындылары бойынша хабардар етті.
Өз кезегінде Зийниддин Низамходжаев ҚР ОСК Төрағасына жылы қабылдағаны үшін алғысын білдірді, сондай-ақ көрші елдердің сайлау органдарының одан әрі жемісті өзара іс-қимылына үміт білдірді.
