Панфилов ауданының аудандық кітапханасында «ҚР Конституциясына енгізілген өзгерістердің маңызы» тақырыбында дөңгелек үстел өтті. Іс-шараның басты мақсаты – жастарға Конституциялық реформалардың мәні мен маңызын түсіндіру, құқықтық мәдениетті қалыптастыру және олардың белсенді азаматтық ұстанымын арттыру болды.
Кездесуге аудандық «Қоғамдық келісім» КММ-нің басшысы М. Илипов, Жетісу облыстық Қазақстан халқы Ассамблеясының мүшесі, Ұйғыр этномәдени орталығының төрағасы Т. Зайтов, сондай-ақ «Жастар рухы» жастар қанатының жетекшісі Б. Ауған қатысты.
Жиын барысында қатысушылар Конституцияға енгізілген өзгерістердің қоғам дамуына әсері, заң үстемдігін нығайтудағы рөлі және азаматтардың құқықтары мен міндеттеріне қатысты жаңашылдықтарды жан-жақты талқылады. Өзара пікір алмасу арқылы жастар көкейлеріндегі сұрақтарына жауап алып, маңызды ойларымен бөлісті.
Іс-шара соңында спикерлер жастарды ел болашағына бейжай қарамай, заң талаптарын құрметтеуге және қоғамдық өмірге белсенді араласуға шақырды.
