Жаркенттік ақын, Қазақстан Жазушылар одағының мүшесі, Панфилов аудандық «Қақа тілі» қоғамының төрағасы Ислам-Ғали Үркімбайұлы тарихи күнге арнап жырдан шашу шашты.
Президент сайлауы күні!
Қазақ деген халықтың бірімін деп,
(Өлген жоқпын, қазірше тірімін деп).
Президент сайлауда дауыс берем,
Қасиетті халқымның үнімін деп!
Ақкөңіл қазағыма сенемін мен,
Ертеңін көңілінен көремін мен!
Бір ұлыңды Президент сайлау үшін,
Халықпен бірге дауыс беремін Мен!
2022 — қарашада,
(Жиылған жұрт ырза боп тараса ма?)
Қалағанын ұлы елім сайласа екен,
(Үміті зор ертеңнен бала-шаға)
Хан сайлаудан ағайын, адаспалық,
(Рушыл, жершілдікпен таласпалық!)
Жердің жүзі біздерге қарап отыр,
Береді деп біздерге — Алаш бағыт!
Білетін ұл сайлансын Елді жетік,
(Көп күткен күніміз де келді жетіп!)
Саналы ұлды сайлайық бүгін жұртым —
Алаш туын көтерер желбіретіп!
Тілеулестер жүрегін елжіретіп!
