Панфилов ауданы, Жаркент қаласында ҚР ҰҚК Шекара қызметі Жетісу облысы бойынша департаментіне қарасты Инженерлік-техникалық қамтамасыз ету бөлімі орналасқан. Инженерлер мемлекеттік шекараны күзетудің және қорғаудың сенімділігіне тікелей ықпал ететін шекараны инженерлік және техникалық қамтамасыз етуде орны ерекше. Сонымен қатар, инженерлік техникалық қамтамасыз ету бөлімі техникаларға қызмет көрсету, көпірлер мен су құбырларын орнату, электро жүйелерін, жол жасау, сондай-ақ автокөлік құралдарына, инженерлік жол техникаларына қызмет көрсету, жөндеу жұмыстарын жүргізу сынды жұмыстарды атқарады.
Аталған әскери ұжымда подполковник Таиржан Турдиевтің басшылығымен мемлекеттік шекараның инженерлік жабдықтау жұмысы жоспардан артық орындалып, шекараның қауіпсіздігін нығайтуда ауқымды жұмыстар атқарылуда. Бөлімінің жеке құрамы өткен жылдың мамыр, тамыз айлары аралығында Үшарал, Панфилов ауданы бойынша шекара басқармаларының аумағында шекаралық белгілерді орнату жұмыстарын қарқынды жүргізді. Сонымен қатар, Панфилов ауданы бойынша Шекара басқармасының аумағында шекаралық белгілерді орнату және оларға мерзімдік қызмет көрсету жұмыстары соңына дейін жеткізілді. Ал Алакөл ауданы бойынша шекара басқармасының аумағында шекаралық белгілерді орнату мен оларға мерзімдік қызмет көрсету жұмыстары атқарылды. Жаркент өңіріндегі әскери ұжым тек шекараны ғана күзетіп қоймай, жергілікті халықпен тығыз байланыс орнатып, жастарға патриоттық тәрбие беруде маңызды жұмыстар атқаруда.
Әскери қызметшілер аудандық мәдениет үйімен, Жаркент педагогикалық колледжімен бірлесіп, жасөспірімдерге Отан қорғаудың маңыздылығын түсіндіріп келеді. Олардың мақсаты — елдің болашағы саналатын жастарға шекарашы болудың абыройлы іс екенін ұғындыру.
ҚР ҰҚК Шекара қызметі Жетісу облысы бойынша департаменті
