2022 жылғы 8 қарашада Бас прокурордың тапсырмасын орындау шеңберінде Сарыөзек гарнизонының әскери прокуроры әділет полковнигі Жанболат Амантаевич Аекенов «Заң керуені» акциясы аясында Жаркент гарнизонындағы барлау полкіне келді.
Сарыөзек гарнизонының әскери прокуроры жеке құраммен кездесіп, түсіндіру жұмысын жүргізді. Түсіндіру жұмысы барысында жеке құрамға қандайда бір проблемалық сұрақтары бар болса ашық айтуларын сұрады. Барлық әкери қызметшілер мен қызметкерлердің 2022 жылғы 8 қарашада сағат 17.00-де Панфилов аудандық Мәдениет үйінде өтетін кездесуге шақырды.
Кездесуден кейін әскери қызметшілердің тұрмысымен және тиісті үлестермен қамтамасыз етілгендерімен танысты. Сонымен қатар, Панфилов аудандық Мәдениет үйінде Сарыөзек гарнизоны әскери прокурорының басшылығымен құқық қорғау және жергілікті атқарушы органдардың басшыларымен бірлесе отырып Жаркент гарнизонындағы әскери бөлімдермен мекемелердің әскери қызметшілері, қызметкерлері және олардың отбасы мүшелерімен кездесу өткізілді. Кездесуге қатысқандардың проблемалық сұрақтары тыңдалды. Кездесу соңында қойылған проблемалық сұрақтар бойынша мемлекеттік мекемелердің жауапты орындаушыларына нақты шаралар қабылдау тапсырылды.
Бақытбек ДӘУРЕНБЕКОВ,
74262 әскери бөлімнің әскери тәртіп
жөніндегі аға офицері, майор.
