Күні кеше мектебімізде өткен лездемеде спортшы балаларымызды марапаттау рәсімі өткізілді.
Атап айтсақ, ІХ Ұлттық мектеп лигасы жарысында балаларды дене шынықтыру және спортпен жүйелі түрде айналысуға тарту, дарынды балаларды анықтау мақсатында аудандық білім бөлімінің ұйымдастыруымен өткізілген Жеңіл атлетикалық кросста 9-11 сынып қыздар командасы І орын иеленді.
Сондай-ақ, Балалар мен жасөспірімдер спорт мектебі ұйымдастырған «2022 жыл – Балалар жылы» құрметіне футболдан 2012-2013 жылы туылған оқушылар арасындағы аудандық «Алтын күз» мектеп лигасында мектеп командасы ІІ орынға ие болды және балалар жылына орай «Панфилов ауданының бұқаралық-спорттық іс-шараларды өткізу орталығы» КММ ұйымдастырған ұлдар арасында волейболдан өткен жарыста мектебіміздің командасы жүлделі ІІ орынды иемденді.
Жеңісті күндеріміз көп болсын ләйім!
Жазира БАЙЖОМАРТОВА,
«Нағарашы орта мектебі» КММ.
