Өңірлік схемаға сәйкес, 2030 жылға дейін 192 елді мекен газбен қамтылуы тиіс.
Қазіргі таңда облыстағы 63 елді мекенге газ тартылып, 392 мың адам көгілдір отынға қол жеткізді. Оның ішінде 30 елді мекен өткен жылы газдандырылды. Нәтижесінде облыстағы газдандыру деңгейі 56,5%-ға жетті.
Биылғы жылы тағы 63 елді мекенді газбен қамту жоспарланып отыр.
Аймақ үшін маңызды жобалардың бірі – «Талдықорған – Үшарал» магистралды газ құбырының құрылысы. Бұл жоба Ақсу, Сарқан және Алакөл аудандарындағы елді мекендерді табиғи газбен қамтамасыз етеді.
Сонымен қатар, өңірлік схемаға кірмейтін қосымша 22 елді мекенді газдандыру қажеттілігі туындады. Осыған байланысты, облыстың өңірлік схемасына өзгерістер енгізу үшін Энергетика министрлігіне хат жолданды.
