Бүгін Тұрлыбекова Гульбану сайлау учаскесіне алғашқылардың бірі болып келіп, өз азаматтық таңдауын жасады. Ол үшін бұл күн маңызды әрі жауапты сәтке айналды.
«Сайлауға қатысу арқылы әр азамат өз елінің болашағына деген көзқарасын білдіреді деп ойлаймын. Сондықтан таңертең арнайы келіп, өз дауысымды беруді азаматтық міндетім деп санадым», – деді Г.Тұрлыбекова.
Оның айтуынша, өз таңдауын жасау – еліміздің болашағына деген жауапкершілікті сезінудің бір көрінісі.
Тұрлыбекова Гульбану сайлау учаскесінің ұйымдастырушыларына да алғысын білдірді. Ол дауыс беруге алғашқылардың бірі болып келген сайлаушыларға шағын сыйлық табысталғанын атап өтіп, бұл жылы ықыласқа ризашылығын жеткізді.
«Сайлау учаскесінің қызметкерлеріне алғысымды білдіремін. Алғашқылардың бірі болып дауыс бергеніме орай шағын сыйлық ұсынғандары қуантты. Бұл – жақсы көңіл-күй сыйлаған ерекше сәт болды», – деді ол.
Г.Тұрлыбекова барша азаматтарды сайлауға белсенді қатысып, өз азаматтық таңдауын жасауға шақырды.
