Бүгін, 23 тамыз – еліміз үшін маңызды тарихи күн. Осы күні Панфилов ауданы бойынша Аналар кеңесінің төрағасы Сәуле Сламджанова сайлау учаскесіне келіп, Қазақстан Республикасының азаматы ретінде өз таңдауын жасады.
Сәуле Сламджанова ел болашағының жарқын болуы әр азаматтың белсенділігі мен жауапкершілігіне байланысты екенін атап өтіп, барша жұртшылыққа ізгі тілегін білдірді.
«Еліміз гүлденіп, халқымыздың тұрмысы жақсарсын. Берекелі де бейбіт жыл болсын! Әр отбасында ынтымақ пен татулық, әр шаңырақта қуаныш пен береке орнасын», – деді ол.
Ананың қоғамдағы орнына тоқталған Аналар кеңесінің төрағасы: «Аналар бір қолымен бесікті, бір қолымен әлемді тербетеді. Барша балалар бақытты, болашағы жарқын елде өмір сүрсін!» – деген жүрекжарды тілегін жеткізді.
Ол еліміздің тыныштығы мен халықтың бірлігіне тілектестік білдіріп, «Еліміз аман, жұртымыз тыныш, келешегіміз кемел болсын!» деген ақжолтай батасын айтты.
