Социалистік Еңбек Ері Күләш Айтжанова Қазақстанда өтіп жатқан маңызды саяси науқанға белсенді қатысып, Жаркент қаласында өзі тіркелген сайлау учаскесіне арнайы барып, өз дауысын берді.
Еңбек ардагері ел өміріндегі маңызды саяси науқаннан қалыс қалмай, азаматтық белсенділігін танытты. Өз таңдауын жасау арқылы Күләш Айтжанова ел болашағына бейжай қарамайтын азаматтық ұстанымын білдірді.
Сайлау учаскесіне келген ол дауыс беру рәсіміне қатысып, әр азаматтың ел дамуына өзіндік үлес қосатынын атап өтті. Оның сайлауға қатысуы – өскелең ұрпаққа азаматтық жауапкершілік пен елжандылықтың жарқын үлгісі.
