Бүгін еліміз үшін маңызды күні Шежін ауылының тұрғындары сайлау учаскесіне барып, өз азаматтық таңдауын жасады. Ауыл тұрғындарының бірі, қылқалам шебері, белгілі суретші Әбілхан Қастеевтің кіндік қаны тамған Шежін ауылының тумасы өзінің туған жерін мақтан тұтатынын атап өтті.
«Мен қылқалам шебері, белгілі суретші Әбілхан Қастеевтің кіндік қаны тамған Шежін ауылының тұрғынымын. Осы ауылда туып-өскенімді, осы жерде еңбек етіп келе жатқанымды мақтан тұтамын. Қай жерге барсақ та, Әбілхан Қастеев атамыздың туған жеріне некенімізді мақтанышпен айтамыз. Бұл – біз үшін үлкен мәртебе», – дейді ауыл тұрғыны
Оның айтуынша, соңғы жылдары Шежін ауылында бірқатар оң өзгерістер жүзеге асырылуда. Атап айтқанда, ауылда (ФАП) салынып, тұрғындарға медициналық қызмет алуға қолайлы жағдай жасалған. Сонымен қатар ауылішілік жолдар жөнделіп, тұрғындардың жүріп-тұруына қолайлы жағдай қалыптасып келеді.
Ауыл тұрғыны бұл жұмыстардың елді мекеннің әлеуметтік жағдайын жақсартуға бағытталған маңызды қадам екенін атап өтті.
Бүгін ауыл азаматтары сайлау учаскесіне бірге келіп, өз азаматтық таңдауын жасады. Тұрғындардың пікірінше, ұжым болыпд ауыс беру – ауылдағы бірлік пен өзара түсіністіктің көрінісі.
«Бүгінгі таңдауымыз – еліміздің ертеңіне деген сеніміміздің көрінісі. Туған жеріміздің одан әрі көркейіп, халқымыздың тұрмысы жақсара беретініне сенеміз. Әр азамат өз таңдауын жасап, ел болашағына өз үлесін қосуымаңызды», – деді Шежін ауылының тұрғыны.
