Дауыс берушілердің қатарында ауылымыздың жаңадан некелерін қиған жас отбасы Болатовтар №360 сайлау учаскесіне келіп өз таңдауларын жасап дауыс берді.
Болатов Әділет Нұрболатұлы 2006-2016 жылдар аралығында Сарқан ауданы Алмалы ауылы Новопокровка орта мектебінде оқыған. Қазіргі таңда Сарқан ауданы ішкі саясат, мәдениет, тілдерді дамыту және спорт бөлімі ММ-де жұмыс жасайды. Жұбайы Оразғали Әдемі Русланқызы Сарқан қаласының тумасы, Сарқан аудандық Мансап орталығында жұмыс атқарады. Олар некелерін Сарқан ауданы Сарқан қаласы АХАЖ бөлімінде қидырған.
Әділет пен Әдемі өз болашақтарын таңдай білген, жоғары білімді азаматтар, өз мамандықтары бойынша тұрақты жұмыста қызмет атқарып жүр. Жас отбасының елінің болашағы үшін жасаған алғашқы бірлескен таңдаулары болды.
«Қазақстаннның болашағы үшін әркімнің таңдауы маңызды, сондықтан әр азаматтың, әр отбасының бұл референдумға атсалысуға шақырамын»,-деді жас отағасы Әділет.
