Қазіргі таңда білім табысты болашақтың басты кепіліне айналды. Осы тұрғыда Қазақстандағы жетекші жоғары оқу орындарының бірі саналатын Әл-Фараби атындағы Қазақ ұлттық университеті жастарға сапалы білім алып, өз қабілетін жүзеге асыруға кең мүмкіндік беретін орта қалыптастырып отыр.
Оқу үдерісі заманауи талаптарға сай ұйымдастырылған. Студенттер тек теориялық біліммен шектелмей, тәжірибелік дағдыларды меңгеруге басымдық алады. Аталған жұмыстар олардың еңбек нарығына бейімделуін жеңілдетіп, бәсекеге қабілетті маман ретінде қалыптасуына негіз болады.Білім беру бағдарламалары үнемі жаңартылып, халықаралық тәжірибеге негізделіп жасалады. Оқу барысында студенттер сыни ойлау, талдау және шешім қабылдау қабілеттерін дамытады. Мұндай дағдылар қазіргі қоғамда аса маңызды болып табылады.Ғылыми бағыт та университет өмірінің ажырамас бөлігі. Студенттер мен магистранттар ғылыми жобаларға қатысып, зерттеу жүргізу арқылы өз білімін тереңдетеді. Бұл олардың кәсіби деңгейін арттырып қана қоймай, жаңа идеялар мен инновациялық шешімдердің пайда болуына ықпал етеді.Университет қабырғасында қалыптасқан академиялық орта жастарды үнемі ізденіске жетелейді. Пікірталастар, ғылыми конференциялар, түрлі жобалар студенттердің белсенділігін арттырып, олардың өзін-өзі дамытуына жағдай жасайды. Сонымен қатар, мәдени және қоғамдық іс-шаралар тұлғалық дамуға оң әсер етеді.Халықаралық ынтымақтастық та ерекше маңызға ие. Шетелдік жоғары оқу орындарымен бірлескен бағдарламалар студенттердің білім көкжиегін кеңейтіп, әлемдік тәжірибемен танысуына мүмкіндік береді. Бұл олардың болашақтағы кәсіби жолында үлкен артықшылық береді.Түлектердің жетістігі оқу орнының сапасының басты көрсеткіші. Әртүрлі салада еңбек етіп жүрген мамандар өздерінің кәсіби біліктілігімен ерекшеленіп, елдің дамуына үлес қосып келеді. ҚазҰУ жастардың білім алып қана қоймай, өз мүмкіндігін толық жүзеге асыра алатын кеңістігі. Мұнда қалыптасқан орта, сапалы білім беру жүйесі және кең мүмкіндіктер болашақ мамандардың табысты болуына жол ашады. Әлеуметтік қолдау жүйесі де білім сапасын қамтамасыз етудің маңызды элементі болып саналады. Университетте студенттерге жатақхана, түрлі жеңілдіктер және қолдау бағдарламалары ұсынылып, олардың толыққанды білім алуына жағдай жасалған. Жастардың тұлғалық дамуына да ерекше көңіл бөлінеді. Университет қабырғасында білім алушылар жауапкершілік, адалдық және кәсіби этика қағидаттарын бойына сіңіреді. Оқу ордамызда сапалы білім беру жүйесі кешенді түрде қалыптасқан. Қара шаңырақ тәжірибе жүзінде көрсеткендей, заманауи білім беру технологиялары мен тәжірибелік бағыттағы оқытудың үйлесімі жоғары нәтижеге қол жеткізуге мүмкіндік береді. Осындай жүйелі жұмыс нәтижесінде білім алушылар бәсекеге қабілетті, кәсіби тұрғыда қалыптасқан маман ретінде дамып, ел болашағына өз үлесін қосуға дайын болады.
Атаханова Г.М.,
әл-Фараби атындағы ҚазҰУ-дың заң факультеті қылмыстық құқық, қылмыстық іс жүргізу және криминалистика кафедрасының профессоры
