Панфилов ауданындағы 79 дауыс беру учаскесінің алдында тұрғындардың белсенділігін арттыру мақсатында түрлі спорттық ойындар ұйымдастырылды. Дауыс беруге келген азаматтар өз таңдауларын жасап болған соң, арнайы әзірленген алаңдарда спорттық сайыстарға қатысып, бақтарын сынады.
Ұйымдастырушылардың айтуынша, мұндай бастамалар тұрғындардың қоғамдық-саяси шараларға деген қызығушылығын арттырып, референдум күніне ерекше серпін береді. Әсіресе жастар мен балалар спорттық ойындарға белсенді қатысып, мерекелік көңіл күйді одан әрі жандандыра түсті.
Спорттық жарыстардың қатарында түрлі эстафеталар, ұлттық ойындар мен шағын сайыстар ұйымдастырылып, қатысушыларға көтеріңкі көңіл күй сыйлады. Бұл шаралар дауыс беру процесінен кейін тұрғындардың бос уақытын тиімді өткізуіне мүмкіндік жасап, референдум күнін аудан тұрғындары үшін ерекше әрі есте қаларлық күнге айналдырды.
