Жаркент қаласының қарт тұрғыны Рысқан Зейнезайыпқызы да Ш. Уәлиханов атындағы орта мектептегі №318 сайлау учаскесіне дауыс беруге келді. Жасы жетпісті еңсерген кейуана:
— Осыдан біраз күн бұрын бір топ азаматтар біздің көп қабатты тұрғын үйдің адамдарын жинап, бұл дауыс берудің мән-мағынасын түсіндіріп айтып берген. Қазір күллі көрші-қолам осында тайлы-таяғымен жиналып, қалмай келуде. Біз – үлкен-кішіміз тегіс еліміздің болашағына бей-жай қарамауымыз керек. Кемелді келешек үшін әрқайсысымыз үнімізді қосуымыз қажет, — деп бұл саяси шара жөнінде өз пікірін бөлісті.
