Маусым айында НАТО-ға кіруге Финляндия мен Швеция өтініш береді, деп хабарлады The Times басылымы.
Қазір Швеция мен Финляндияның билігі НАТО-ға кіру мәселесі бойынша өз елдерінде консенсусқа қол жеткізу үшін бірлесіп жұмыс істеуде, бірақ әр мемлекет өзінің түпкілікті шешімін қабылдайды.
Екі ел де Балтық теңізінің қарама-қарсы жағалауында орналасқан Ресеймен көршілес. Финляндияның Ресеймен құрлықтағы шекарасы бар, ол шамамен 1300 шақырымға созылады.
Бұған дейін Түркия Сыртқы істер министрі Мевлют Чавушоглу 6-7 сәуір күндері Брюссельде өткен НАТО сыртқы істер министрлерінің кездесуінде Швеция мен Финляндияның НАТО-ға кіру ықтималдығы ең көп талқыланған тақырыптардың бірі екенін айтқан.
Финляндия премьер-министрі Санна Марин елінің альянсқа қосылуға деген көзқарасын байыпты түрде қайта қарастыратын кез келгенін айтты. Ресейдің Украинадағы әскери операциясы басталмай тұрып-ақ Финляндия билігі ұлттық қауіпсіздік мәселесі шиеленіссе, НАТО-ға мүшелікке өтініш беруге дайын екенін мәлімдеген.
Менің ойымша, бізде мұқият талқылау болады, бірақ біз оған көп уақыт жұмсамаймыз, өйткені жағдай, өте қиын, — деді Финляндия үкіметінің басшысы.
Финляндия сияқты Швеция да өзінің қауіпсіздік саясатын қайта қарап жатыр, ол сәуір айының соңына дейін аяқталады деп күтілуде.
Швеция премьер-министрі Магдалена Андерссон екі апта бұрын «НАТО-ға мүше болуды ешбір жағдайда жоққа шығармайтынын» айтқан.
baq.kz
