Кәсіптік аурулардың алдын алу – өндірістік факторлардың әсерінен туындаған аурулардың дамуын болдырмауға бағытталған шаралар кешені. Оған тұрақты медициналық тексерулер, қорғаныс құралдарын пайдалану, санитарлық нормаларды сақтау және жұмыс орындарын оңтайландыру кіреді. Жұмыс деңгейінде денсаулықты қорғаудың негізгі бағыттары келесі шараларды қамтиды:
- медициналық бақылау. Аурулардың белгілерін ерте анықтау үшін міндетті алдын ала (жұмысқа орналасу кезінде) және мерзімді медициналық тексерулер жүргізу;
- техникалық шешімдер. Қауіпсіз технологияларды енгізу, жабдықты жаңарту және заманауи желдету жүйелерін пайдалану;
- жеке қорғаныс құралдары. Арнайы киімдерді, респираторларды, құлаққаптарды, көзілдіріктерді және арнайы кремдерді қолдану;
- санитарлық-тұрмыстық жағдайлар. Қызметкерлерді демалыс бөлмелерімен, душпен және емдік-профилактикалық тамақпен қамтамасыз ету;
- еңбекті қорғау. Еңбек жағдайларына арнайы бағалау жүргізу және қызметкерлерді қауіпсіздік ережелеріне ұнемі оқыту.
Физикалық жүктемелермен байланысты аурулардың алдын алу үшін еңбек жағдайларын эргономикалық оңтайландыру және жүктемелерді сауатты бөлу маңызды.
Өнеркәсіптік шаңмен немесе химиялық заттармен байланыста болған жұмысшыларға профилактикалық ингаляциялар мен теріні қорғайтын дерматологиялық құралдар көрсетілген.
Өндірістік шу, діріл немесе визуалды көрнеу кезінде реттелетін үзілістер, гимнастика (мысалы, көз немесе тыныс алу) және тұрақты су процедуралары өте маңызды.
Салауатты жұмыс орны – денсаулықты сақтауға және жақсартуға, кәсіптік аурулар мен жарақаттардың алдын алуға, еңбек жағдайын физикалық жағдайдан психоәлеуметтік, оның ішінде өмір салтын, мінез-құлқын және жұмысшылардың денсаулығына деген көзқарасын жақсартуға ықпал ететін орын.
Жобаның мақсаты жұмысшылардың денсаулығын сақтау және жақсарту, қызметкерлердің салауатты өмір салтына деген ұмтылысын арттыруға ықпал ететін жағдайлар жасау, созылмалы жұқпалы емес және кәсіптік аурулар салдарынан уақытша еңбекке жарамсыздықпен байланысты шығындарды азайту.
Неліктен «Салауатты жұмыс орны» жобасына қосылу керек? Жоба салауатты өмір салтын насихаттайтын бірлескен іс-шаралар мен науқандарды қамтиды. Жобаға қосылған әрбір адам жұмыс орнында денсаулықты жақсартудың пайдасын көретін жұмысшылар санын арттырады.
Самат Ахметов,
Жетісу облысы санитариялық-эпидемиологиялық бақылау департаменті басшысының орынбасары.
