Жетісу облысының қоғамдық даму басқармасы өңірде әлеуметтік жобаларды іске асыру үшін 71,6 миллион теңге көлемінде грант бөлуге дайын.
Біріңғай грант операторының қолдауымен үкіметтік емес ұйымдарға 8 қысқамерзімді грант беру конкурсы жарияланды. Жергілікті бюджет есебінен үкіметтік емес ұйымдарға гранттық қаржыландыру механизмі арқылы 71,6 миллион теңге бөлінеді.
Конкурс 8 басым бағыт бойынша өткізіледі, оның ішінде «Мейірімді Жетісу» фронт-офисінің қызметін ұйымдастыру және Жетісу облысында жастардың волонтерлік қозғалысын дамыту, «Жайдарман» ойындары бойынша ашық чемпионат пен арнайы жоба – «Жетісу облысы әкімінің Кубогы – 2025» ұйымдастыру және өткізу, Жастар арасында есірткі және олардың прекурсорларының таралуы мен қолданылуының алдын алу, «Жетісу Жастары» аналитикалық есебін дайындау, Студенттік өзін-өзі басқару жүйесін дамыту, Ұлттық және отбасылық құндылықтар мен дәстүрлерді насихаттау, ұрпақтар сабақтастығын қамтамасыз ету, Әйелдердің көшбасшылық, қаржылық және құқықтық құзыреттерін арттыру және дамыту, Әкелер институтын дамыту, ұлдарды болашақ әке ретінде тәрбиелеуге жәрдемдесу және әкелерді бала тәрбиесі процесіне белсенді қатыстыру.
Конкурс шарттары туралы толығырақ ақпаратты мына жерден алуға болады. Өтінімдер 2025 жылдың 19 наурызынан 11 сәуір аралығында сағат 18:30-ға дейін uor-zhetysu25@cisc.kz электрондық поштасы арқылы қабылданады.
Азаматтық бастамаларды қолдау орталығының
басспасөз қызметі +7 (7172) 79-08-20
