Астана қаласында Ұлыстың ұлы күні – Наурыз мерекесіне орай «Сегіз қырлы, бір сырлы» жобасы аясында «Мектеп барысы» атты қазақ күресінен турнир ұйымдастырылды.
Ұлттық рухты асқақтатуға бағытталған бұл дода жас спортшылардың күш-жігерін, батылдығын және қазақ күресіне деген ерекше қызығушылығын айқын көрсетті. Турнир тартысты белдесулерге толы өтіп, көрермендерге әсерлі сәттер сыйлады.
Жарыс үш салмақ дәрежесі бойынша ұйымдастырылды: 55 кг, 65 кг және түйе палуан. Әр салмақта қатысушылар өзара мықтыны анықтап, жеңіс үшін барын салды.
Жеңімпаздар мен жүлдегерлер:
55 кг салмақ дәрежесі бойынша:
- І орын – Мамыр Абдурахим
- ІІ орын – Сапарғалиев Саят
- ІІІ орын –Абдукаримов Нұртілеу
65 кг салмақ дәрежесі бойынша:
- І орын – Әбілдаев Сырым
- ІІ орын – Тұрсынбай Нұрасыл
- ІІІ орын – Жомарт Бейбарыс
Түйе палуан санаты бойынша:
- І орын – Мұрат Ұлан
- ІІ орын – Марат Ернұр
- ІІІ орын – Ермекбай Бекдәулет
Тартысты дода «Dauletten» қайырымдылық қоры мен «GBG Құрылыс» компаниясының қолдауымен ұйымдастырылды.
«GBG Құрылыс» компаниясы жеңімпаздар мен жүлдегерлерді ақшалай сыйлықтармен және арнайы белбеулермен марапаттады. І орын иегерлеріне 30 000 теңге мен белбеу табысталды, ІІ орынға – 20 000 теңге, ал ІІІ орынға – 10 000 теңге берілді.
Аталған спорттық шара жасөспірімдер арасында салауатты өмір салтын қалыптастыруға, ұлттық спорт түрлерін насихаттауға және өскелең ұрпақтың бойында патриоттық рухты нығайтуға бағытталған маңызды алаңға айналды.
