Қоғамдағы тыныштық пен қауіпсіздікті қамтамасыз ету – құқық қорғау органдарының басты міндеттерінің бірі. Осы бағытта Панфилов ауданы полиция бөлімінің қызметкерлері күн сайын тұрғындардың құқықтары мен заңды мүдделерін қорғау жолында аянбай еңбек етуде.
Тәртіп сақшылары тәулік бойы қоғамдық тәртіпті қадағалап, құқық бұзушылықтардың алдын алу, қылмыстарды ашу, жол қауіпсіздігін қамтамасыз ету және азаматтардың қауіпсіздігін сақтау бағытында жүйелі жұмыстар жүргізеді. Полиция қызметкерлерінің жедел әрі кәсіби әрекетінің арқасында көптеген құқық бұзушылықтардың жолы кесіліп, қоғамдық орындардағы тәртіп нығайтылуда.
Бүгінде мемлекет басымдық берген «Заң мен тәртіп» қағидаты құқықтық мемлекет құрудың маңызды негізіне айналып отыр. Бұл қағидат азаматтардың заңға құрметпен қарауын қалыптастырып қана қоймай, қоғамдағы әділдік пен жауапкершілікті нығайтуға ықпал етеді.
Панфилов ауданы полиция бөлімінің қызметкерлері тұрғындармен тығыз байланыс орнатып, профилактикалық жұмыстарға ерекше көңіл бөлуде. Мектептерде, еңбек ұжымдарында және қоғамдық орындарда түсіндіру шаралары ұйымдастырылып, құқықтық сауаттылықты арттыру бағытында кездесулер өткізіліп келеді.
Сонымен қатар полиция қызметкерлері тұрмыстық құқық бұзушылықтардың, алаяқтықтың, жол-көлік оқиғаларының және өзге де заң бұзушылықтардың алдын алу мақсатында тұрақты түрде рейдтік және профилактикалық іс-шаралар жүргізуде. Бұл жұмыстар өңірдегі криминогендік ахуалды тұрақтандыруға және тұрғындардың қауіпсіз өмір сүруіне мүмкіндік беріп отыр.
Заңның үстемдігі мен қоғамдық тәртіптің сақталуы – әрбір азаматтың жауапкершілігі. Сондықтан құқық қорғау органдары тұрғындарды заң талаптарын сақтауға, құқық бұзушылықтарға бейжай қарамауға және қоғам қауіпсіздігін қамтамасыз ету ісіне белсенді атсалысуға шақырады.
Халықтың сенімі мен қолдауы – полиция қызметінің басты тірегі. Ал тәртіп пен заңға құрмет орнаған жерде тұрақтылық пен өркендеу болары сөзсіз.
