«AMANAT» партиясы Панфилов аудандық филиалының кезектен тыс X конференциясы жоғары ұйымдастырушылық деңгейде өтті. Жиынның негізгі күн тәртібінде Үлкенағаш ауылдық округі әкімінің сайлауына партия атынан кандидат ұсыну мәселесі қаралды.
Конференция жұмысына қатысқан делегаттар ауылдық округтің бүгінгі тыныс-тіршілігі мен алдағы даму перспективалары төңірегінде ой бөлісті. Әсіресе, өңірдің әлеуметтік-экономикалық дамуын жеделдету, тұрғындардың әл-ауқатын арттыру, инфрақұрылымды жетілдіру және жергілікті маңызы бар мәселелерді тиімді шешу бағытындағы міндеттер кеңінен талқыланды.
Жиын барысында ұсынылған кандидаттың кәсіби біліктілігі, еңбек жолы, ұйымдастырушылық қабілеті мен халықпен тығыз қарым-қатынас орната білу тәжірибесіне ерекше назар аударылды. Делегаттар оның ауылдық округтің дамуына тың серпін беріп, тұрғындардың сенімін ақтай алатын тұлға екендігіне тоқталды.
Партияның негізгі құндылықтары мен сайлауалды бағдарламасының басым бағыттарын басшылыққа алған конференция қатысушылары Үлкенағаш ауылдық округі әкімінің сайлауына кандидат ұсыну жөнінде бірауыздан шешім қабылдады. Бұл шешім ауылдың тұрақты дамуын қамтамасыз етуге, халықтың өмір сүру сапасын жақсартуға және жергілікті өзін-өзі басқару жүйесінің тиімділігін арттыруға бағытталған маңызды қадам ретінде бағаланды.
Кезектен тыс конференция партия мүшелерінің бірлігі мен ортақ мақсат жолындағы жауапкершілігін тағы бір мәрте айқындады. Сонымен қатар, алдағы кезеңде өңірдің өркендеуіне ықпал ететін бастамаларды жүзеге асыруға берік негіз қалап, партияның халық мүддесіне қызмет ету бағытындағы жұмысының жүйелі жалғасатынын көрсетті.
